[b]البنت السورية ليش شايفة حالا[/b]

يا عالم.. ياهوو.. لك البنت السورية ليش شايفة حالها.. ليييش و على شو...

و عن مواصفات البنت السورية هلأ.. سمعوا لقلكن..

أولاً: فيسبوكياً:
1- اذا بعتلها مسج ع الفيس بوك عم بتقلها "مرحبا" بتعتبر حالها جميلة الجميلات, و ما حدا بيتقارن فيها و بتعتبرك انت الإنسان التافه اللي خضعت تحت قدميها, ويلي دايب بجمالها و بس بدك منها تقلك اهلين

2- أما اذا كانت المسج "مرحبا, كيفك" فأكيد ما رح ترد عليك.. لأنك زودتها يعني

3- و إذا كانت المسج طويلة شوي.. بترد عليك بكلمة "ok, fine" طبعا بالانكليزي بتكتبها, و اذا حبت انها تتواضع شوي, بتكتبها عربي حروف انكليزية, و انت طبعا ما بتفهم شي من هالفاين


ثانياً- مسنجرياً:
4- اذا انت بتضيف البنت السورية ع المسنجر, فورا بتقلك... مين معي, و من وين جبت ايميلي, و لو سمحت أنا ايميلي خاص, أنا ما بضيف حدا ما بعرفو ( مع انو ايميلها في أكتر من 400 كونتاكت ما بتعرفهن و كلهن عاملتلهن بلوك ), و أنا ما بحكي مع شباب بالعادة, و مين بعتك لعندي.. و بتعرفو باقي الحكي

5- اذا يوما من الأيام صدفت و بنت سورية ضافتك.. ( مع انو هي اتسجلت المستحيلة الثامنة بالعالم ) كمان فورا بتسألك, مين معي, أنا ايميلك عندي من زمان بس ما بعرف مين انت.. و يا ويلك اذا ما بتجاوبها..

6- طبعا بتكون حاطة صورة الشطرنج تبع المسنجر, أو الوردة.. أو صورة من صور المانغا اليابانية, و انت أكيد لازم تحط صورتك و إلا ما بتحكي معك, ووقت بتسألها عن اسمها بتقلك اللقب تبعها, و بتسألها ع كنيتها بتقلك "لسا بكير" كأنك رايح تخطبها بكرا, و اياك ثم اياك تسألها تحط صورتها.. فورا بتلاقيها طلعت اوفلاين, لأنك صرت من قائمة البلوك تبعها

7- دائما حاطة حالتها "مشغول" على اعتبار انها مشغولة كتير, و بترد عليك جملة بتتكون من تلت كلمات, بعد ما بتكون انت كاتب موضوع تعبير من عشر أسطر, و اذا شي يوم هيي فاضية و عم تحكي معك و انت مشغول مو قدران تحكي كتير, بتقلك "اوكيه شكلك مشغول, ما بدي عطلك" لأنك ما عم ترد عليها كتير.

ثالثا: في الشارع:
8- بتمشي و هيي مثبتة خصرها, و ايدها من عند المرفق ممدودة و حاملة الجزدان تبعها, و كل ما ثبتت خصرها أكتر بتكون أكابر أكتر, و رجليها بيتحركو من تحت الركبة بس,أما فوق الركبة فحركتهن ثابتة, و الأكتاف مشدودين, و الرأس مرفوع عاليا, نظام منضم.

9- اذا كانت ماشية مع رفيقة أو رفيقتين, ومتأكدين انهن مزبطين حالهن ع الآخر, بيمشوا بالشارع مفكرين حالهن عم يعملوا فيديو كليب, بيطلعوا ببعض و بيضحكوا كتير بس يخلصو الضحكة, بيردوا شعرهن لورا مفكرين انو في مروحة عم تهب الريح منها ع شعرهن.. سانسيلك

10- تحذير: اياك ثم اياك انك تخبط فيها بالغلط, بتكون جنيت على نفسك, بتنظر فيك نظرة استحقار من راسك لخلخالك, و بتزدريك لأنك شخص منحط... و طبعا بتكون هيي الغلطانة لأنو بتكون ماشية بتوقف على فجأة قدام محلات الماركات, على أساس انو هيي شرية ماركات و لفتت نظرها قطعة ما بتتفوت


رابعا: في المحلات التجارية:
11- اذا فاتت البنت ع محل تجاري بدها تشتري غرض, بتنكّت صاحب المحل محلو قطعة قطعة, و هيي بتكون حالفة يمين ما يعجبها شي, و بتعرفو الحلفان غالي.. طبعا ما بيعجبها شي لأنها هيي كتير سينييه و بتشتري مكياجها من باريس, و تيابها من ايطاليا, و السانتور من كوالالامبور....

12- اذا لا سمح الله عجبتها شي قطعة, بتبينلك انها مو طايقتها, لأنو هي طريقتها الوحيدة لحتى تراعيها, و بتضل بتفاصلك بتفاصلك لحتى ينشف دمك و دم الحاضرين أجلكن

13- اذا صاحب المحل سمعها شي كلمة حلوة مشان يطرّي الجو, بتطلع فيه و بتعبس و بتفكر انو وقع بغرامها.


والشب شو رأيو بهالحكي

________________________________________

أنا بشبّه البنت الشايفة حالة للشب الرخيص لأنّن من نفس الطينة.............
( ما في شجرة وصلت لربها (
بس بصراحة حقّا تشوف حالة

يمكن تكون مومصد قة حالة بس مو دائماً بس الشباب موانظم والن حركات
وشكراً لموضمعك
مع حبيraghad

الكلام صحيح ورح خبر خبرية كنت مرا انا ورفيقي عم نتمشا على كورنيش الروشة ببيروت فمرقت بنت صبية عم تاكل بوظةفقلا صاحبي بصوت خفيف صحة هيي دغري برمت وقالتلو ميرسي مع ابتسامة *فانا قلتلو لو انك بسلمية وقلت لشي بنت هيك صحة كانت قالتلك ورصاص *معليش انا خبرت هي الخبرية تصديقا لموضوعك والبنت السورية اجمالا عندا عفة نفس وشوفة حال بس طبعا هيي بتكون هيك وقت اللي بتكون بموقف بيتطلب منا انا تكون هيك

شكرا لمروركم

اول شي عزيزتي رنوشة انت عم تحكي موضوعك بشكل عام عن البنات السوريين بس انا برايي انو مو الكل هيك
وانا بوافق موفق ع شي انو البنت بتكون شايفة حالها وقت بيتطلب منها هالشي يعني مو معقول شب يمرق لا بعرفو ولا بيعرفني يسلم او يلطش وقلو ميرسي يعني في مواقف لازم تكون البنت قد حالها وبس البنت كانت هيك وما عطت وش لحدى بيقولو انو شايفوة حالها

حبيبتي نحنا إذا ما شفنا حالنا ما حدا بيشوفنا
يسلم إيديكي ع الموضوع واضح أنه معذبك
مع حبي واحترامي
فاتنة

أكــــــــــيد هي سنة الحياة شكرا لردودكم وللمرور والوقوف عند هيك موضوع .............حبيت ارسم ولو ابتسامة صغيرة ع وجوهكم مجرد تغيير للجو ...........وشكرا كتيررررررررررررررررررررررررررر