صندويشات س......

من طرف kenan الأحد أكتوبر 11, 2009 2:07 am

يوجد نوعان من الصندويش
01- صندويش عادي
02- صندويش للي مدلل حالو
أولا منبلش مع 01
منجيب مرقداية من نوع أبو الخمس طعش يعني من المركز ومنجيب طاسة الزات ومنمسح مسح ها على المرقدة يعني شي إنو يصير يلقط على المرقدة
عاديني منجيب صحن الزعتر ومنرش رشة والتانية لحتى نغطي الزات كلو
منجيب قرنان فليفلة ومنشرحن طرنشات صغيرة ومنوزعهن على المرقدة
منجيب قرص بندورة بلدية يكون عيسي شوي منشان ما يزوم عالمرقدة ومنشرحلنا شي أربع خمس شرحات
بعدين منلف الصندويشة على شكل عروس وصحتين وهنا
هلاق منجي عالوصفة التانية
منجيب أولا مرقدة سياحية أو رغيف مشروح عالايد أو رغيف خبز تنور
مندهنو عسل
وبعدين منجيب قرنان ماز منقطع قرن ومنحطو على المرقدة أو الرغيف والتاني مناكلو نحنا وعم نطبق الوصفة
وأخيرا وليس آخرا منلف القضوضة على شكل عروس وصحتان ومية هنا
وفيه نوع تالت قريب من النوع التاني للي ماعندو عسل فيه يحط مرملاد