مذكرات عاشقة سلمونية

من طرف صدى الأمواج الجمعة سبتمبر 25, 2009 11:19 pm

لقيت هالمساهمة بشباب سلمية وحبيت انقلكن ياها لأنا باللهجة السلمونية التقيلة القديمة " القح "

واللي بيلاقي شي كلمة ما عرف معناها
يسأل عنا وبجاوبو

يم دارو ياما هقفت
وعشبابيكو ياما ربزت
وبحاكورتو ياما خمخمت
وعلي ياما زرنت ومن الفرحة ياما شوبشت
وع حديجة دارو ياما اندبجت
لسوالفو ياما كدّحت وطقّست
ولآخدو كنت أهلي هبرت
ويا سقر راسي لمن أخدتو شو خسبت
خسبت حالي بالجنة تدرفقت
بس عرفت بعدين اني حياتي خيست
ما كنت أعرف قبل أنو ويحد جنكلا وهردبشت
ما بياكل غير باض مقلي بالطواية برشت
وعزا لما كبر صارت بلاضيمو مرهوطة وسيلتة سلت
والعترة ع كيلونو اللي عن وصفو عجزت
سنينو مفرضعة وشفيتيرو ملولطة
خشومو مفنشة وشعراتو عطول شي مزوعة وشي مقنزعة
بالشخاطة بيشعل سيكارة ورا سيكارة لحتا من الريحة كنت فطست
كل يوم بيكرع سقرق عرق اللي منو روجت تعقدت
لأنو كل ما سكر بيتجوجح أتوسي وبينجعص عالتخت
وبيقلي هلق صار الوضع سكلما وسرحت نحلتي ومخمخت
ولمن قلتلو ليش هالمصاري دهدرت
وبصحتك ليك كيف عملت
قام سطرني كف صورني صور
وهبدني ضربة ولعند أهلي انكحشت
ضبيت كلاكيشي وحنترت وطنجرت
ولعند أهلي صورخت
كانت الدنيا ناتور ومن البرد زمتت
قعدت حد الصوبيا وتكوكعت
ولمن سألتني أمي شبك دمعت وتشلهمت
وقلتلا عيونو بتضل مزغزغة
عكل بنت كيسة متكشلحة
ورفقاتو صارفة همشرية وشقلعية وزملطوطية
وجوهن بالنشح مجلغمة وصواتن متل الجعارية
ريحتن طالعة متل البندورة المقمقة المستوية
ولمن جربت وساختن كمخت
اندبيت واجيت ع وجهي انكبخت
حاولت انسى بس ما قدرت
انو شنتير وبوشت وخرنت
وما بدي ضل معو ولو رمكت
وحتى لو تكرسحت وتعقورت
ولهدي بالي سفيت كومة دوا وكبعت
وبعدا رحت ع القييس تفرقدت
وماروطاطي عطولين مددت
كمرت حالي بلحيف ومنو راسي نبقت
وكل ذكرياتو معي خزقت
وسقديت ومن مشاكلو زملطت وعنا قحصت
وبعيد عن حياتو هشلت
وبهالمناسبة كراعين وفراo:صيع أكلت
وكفكير زوم تشورقت
ومرقدة خبز غملشت
وما هييت أكل حتى انمغلت
وبعد الغدا تفاحة كدشت
ولمن من النعس فونست
نمت والحارة بشخيري شلشت