رداً على الأخت سما

رداً على الأخت سما التي علقت::

أهلاً أخت سما
شكراً لرأيك بكل الأفكار اللي قدرنا نقدمها لـ تمثل سلمية فعلاً..
بس بالنهاية هادا رأيك الشخصي
بيسعدني تكون قصتي يمكن اللي بتقصديا بالأحلى؟! ( ذكريات محترقة )
شكراً كلك زوق بس ما فيّا تكون الفكرة حلوة قبل ما تتعالج فـ ممكن نآخد ع سبيل المثال الفكرة التانية ( مطلوب موظف )
متل ما هيي بس بالمعالجة الدرامية رح تختلف القصة تماماً فـ ممكن تكون عبارة عن حُلم لرجل معتر وما معه مصاري وأولاده مسافرين كل واحدة بمكان ومافي مصروف أو دخل يعيش منه فـ بيحلم لو أنه إله وظيفة بصفات القصة وبعدين بتدور الأحداث ضمن الحلم اللي رح يفيق منه ع واقع مؤلم واللحظات الدرامية هي اللي رح نخلق منها الحدث والقصة كيف ما كانت بدون معالجة بتبقى فكرة
بحب وضح لك يا آنسة أنو ما بتقدري تحكمي ع فكرة ( مطلوب موظف ) أنها غير واقعية أو أوفر متل ما كتبتي فـ هي رح تتعالج بطريقة حلوة وباعتبار بعد إذن الشباب رح أنا اختار بداية أي قصة اختيرت حتى لو ما كانت قصتي لكني بعرف عالج القصة قبل ما تسبب مرض لأي حدث.. بحب ذكرك بشي أنو تعالي ارجعي لأفكار أهم الأعمال الدرامية رح تشوفيها سطحية لكن المعالجة الدرامية هي اللي صنعت الدراما وليس الفكرة
عذراً ع الأسلوب بالكتابة وبحترم مجال عملك مهما كان بس أعذريني واسمحيلي قلك أنو المعالجة الدرامية لأي مسرحية أو فيلم أو مسلسل هي الأساس لو كان بالسرد أو الحبكة أو حتى الشخصية هذا كله بالمعالجة رح يصير حلو وأحلى لما يتصور
وبالنسبة للقصة الأولى اللي هي ( ارتباط ) فـ القصة حلوة كـ معالجة لمرحلة موجودة بحياتنا وصعبة ما انتبهت إذا كان فيها تمييز بين الطوائف رح أرجع للقصة وإذا كان موجود فيها هالتمييز فـ أنا رح خبر الأخ علي اللي هو صاحب الفكرة يعدل شوي ع النهاية وشكراً لوجودك معنى بهي الصفحة وشكراً لآرائك..
مع حبي واحترامي
فاتنة