أنا وطفلي وقدر الإعاقة.......فماذا أفعل؟

.......بابا ....ماما..... كلمات نقدم الكثير من حياتنا ووقتنا ومشاعرنا بحثا عنها ولكن ماذا لو وجدناها مصطحبة معها كلمات أخرى :حرام ,ظلم ,حزن ,جرح,حياة مقتولة عندما تعلم أنت كأب أو أم أن جنينك معاق لديه تشوه خلقي جسدي أو عقلي فماذا تفعل؟ هل أنت من أصحاب المنطق الأول الذي يقول أن هذا هو القدر وهذا ما أراده الله ويجب أن نرضى به مهما رافق ذلك من عذاب على الأهل والجنين الذي سيقضي حياته إما معاقا أو مجنونا وستقبل بولادة هذا الجنين مهما كلفه ذلك النقص من معاناة نفسية واجتماعية وتكون مستعدا لهذه المسؤلية؟ أما أنك تميل إلى المنطق الثاني الذي يقول أنه من الحرام والظلم أن نسمح بعذاب هذا المخلوق وأن نتركه يعيش حاملا عبئا أكبر من أعبائنا الأخرى التي بها وحدها نستصعب العيش ونتمرمر حتى نذوق السعادة ولكن لا تنسى أنك في هذه الحالة تقتل روحا وطفلا وانسانا قبل أن تقتل معاقا فهل هذا هو الحل الأمثل برأيك ؟

الحل المثل والوحيد برايي هو تقبل الاعاقة لان هذا قضاء الله
ومن الحرام قتل نفس مهما تكن الاسباب
وكم من اشخاص معاقين تغلبوا على اعاقاتهم فكان منهم الفنان ومنهم الرياضي
ومنهم الموسيقي
وطبعا هاد الشي بيرجع للاهل وللتربية
يعني لما بحسسوا الولد المعاق انو انت اكبر من اعاقتك وانت
وانت عندك القوة الازمة لحتى تكون شي احسن من الناس العاديين
انا بشوف انو الواحد لازم يرضى بيلي كتبوا الله ويحاول انو يحسن من هاد الشي

أنا بعتقد إنو اذا كانت الاعاقة بسيطة فممكن التعامل معا .. أو حتى يمكن علاجا
بس اذا كانت الاعاقة كبيرة أو حتى ممكن تكون عقلية فبفضل اراحة الروح قبل ان تتعذب ... لان وجوده سيكون تعيساً بالنسبة له ولن يشعر بالسعادة طيلة حياته هذا غير الاضرار التي سيسببها وجوده على حياة الاهل والاخوة
وربما قضاء الله يتجسد في انه سخر العلم لكي نستطيع الكشف المبكر عن الاعاقة قبل مجيء الطفل للحياة ..لكي نريح هذه النفس ...
ولكن اكرر انه فقط في حال ان الاعاقة قابلة للعلاج فانني ارفض الاسقاط ..لكن اذا لم يكن هناك امل فالاسقاط هو الحل الامثل للجميع وخاصة الطفل .
لأننا فقط يجب ان نتخيل انفسنا مكانه

طبعا انا مع اسقاط الطفل عند اكتشلف اعاقة غير قابلة للعلاج ولكن انا رايي انو التعامل مع الاعاقة بطريقة انو كانو مافي اعاقة في حال كان الشخص المعاق بمرحلة متقدمة من السن يعني عشر سنين مثلا

شكرا براء ,علي,كنان عمروركن وأنا معكن شباب انو الخيار رح يكون حسب نوع الاعاقةيعني أنا مع الإسقاط إذا كانت اإعاقة صعبة أما إذا في مجال لتقبلا وعلاجا فأكيد لاء........شكرا

انا معك اللورد بس متل ما قال كنان
اذا كان تشوه خلقي ومالو علاج
وحتى لو كان التشوه عقلي يعني مثلا منغولي
انا برايي الاجهاض بهي الحالة ضروري
لانو ما بنعرف قديش بدو يعيش
ورح يتعذب هو ويعذب اهلو معو

كيف يعني وجه خير على أهله .. النتيجة واضحة أخي .. واذا بدنا ناخدا حلال ولا حرام فبعتقد انو الله بيكون اوجد العلم لنعرف بالتشوه قبل مجيئو للدنيا .... ونريحو
واذا بدون حلال وحرام فالمنطق واضح ... انو يرتاح احسن

انا ماني معك اللورد ماهر لانو بالنهاية في منطق وعقل حتى العاطفة بتلعب دورا بهيك حالة وبتوقف لجانب العلم

يعني هدا السؤال بدو جواب مدروس ودقيق بس في كتير اسباب مجهولة والمعروفة وراثة مثلا او مشاكل عند احد الابوين او القدر بس اذا لازم نرضى في ليش تطورنا وتعلمنا ووصلنا لهون مشان نعيش متل ستي وجدك

اول شي بدي اشكر مي عالموضوع المميز
وقبل ما اعطي رايي رح جاوب ع سؤال اللورد ماهر
(الام بتقدم 23 صبغي والاب بيقدم 23 صبغي فبصير المجموع 46 صبفي وقتا بيكون الجنين طبيعي بس احيانا بيقدم الا باو الام صبفي زيادة فبصير العدد47 صبغي وهاد بيأدي للاعاقة هاد ع هوا مابعرف ومادرستو بالمرسة وهو اكثر سبب شائع للاعاقة وممكن احيانا تتناول الام ادوية بتأثر ع الجنين فبتخلق عند الجنين تشوهات)
هلق انا برأيي انو مو حرام يجو هيك ناس ع الدنيا لأنو متلين متل الناس المعافيين وليش لنعتبر وجودين مأساة
بالعكس في كتير معاقين احسن وابرع من الناس المعافيين وعندين مواهب اكتر
هلق يمكن انو حرام من ناحية الناس لأنو منحس انو هيك ناس مظلومين بالمجتمع بس انا مو مع هالشي
بالعكس خلو يجي لأنو روح وبالمقابل لازم العالم تتعامل مع هالناس بطريقة صح وما تسيء الين وتخلين بعيدين عنا بالعكس لازم تعزز معنوياتين وتساعدين وتسمع افكارين
بشكرك مرة تانية مي لأنو موضوع مهم

رايي اذا اكتشفت الاعاقة قبل الولادة فانا مع اجهاض الجنين
اما اذا كانت بعد الولادة فان الامر محتوم ولابد من قبول الواقع والتعامل معه بموضوعية

abozen شكرا
وشكرا رغد بس متل ما في معاقين عندون ومواهب في معاقين بعوفو سما اهلين ولا انا غلطامنة
بعدين لو نحنا بمجتمع بيحترم المعاق نص مصيبة لاء حتى ما بكون في مصيبة بالعكس بس المصيبة الحقيقية انو نحنا بمجتمع ما بيحترم حتى اانسان

عزيزتي مي
تحية وبعد
شكرا لاهتمامك
لكن الاعاقة الحقيقة عند هؤلاء الذين تتكلين عنهم الذين لايحترمون الانسان
الاعاقة الجسدية تبدو امام هذه صغيرة
ولا انكر المعاناة لدى الاهل ولدى المعاق اجتماعيا
شكرا لاهتمامك

وردت كلمة تتكلين والاصح (( تتكلمين عنهم ))
استوجب التنويه

تحية وبعد للصديق أبو زين
شكراً لمشاركاتك اللطيفة في المنتدى ..واتفق معك ان الاكتشاف بعد الولادة يوجب علينا الامتثال للأمر الواقع والتفاعل مع المغاق مهما كانت درجة اعاقته.
بالنسبة لردودك أنت لم تك تراها لأنك بحاجة لتغيير المتصفح .. فنسخة المنتدى لا تتوافق مع متصفح اكسبلورير الموجود تلقائياً مع الويندوز اكس بي... وقد قمت بحذف تساؤلك عن ذلك..
أنصحك بمتصفح فايرفوكس

نصحو بعض يا عين انت ويا بعيد عن هون ايواااااااااااا

صحي وانا معك انو الاعاقة الحقيقيةموجودة عند الي ما بيحترمو الانسان ما أنا هدا رأيي وشكرا عاهتمامك بس كأنو هالمعاقي الحقيقيين كتار شوي ههههههههه

بس عفوا مي كتار شوي
انت غلطانة
كتار كتييييير
والاغلب اعاقة بالقلب والعقل

استاذ علي شكرا لاهتمامك ومتابعتك

واني اسف لعدم استكمال المناقشة لانني انقطعت بسبب سفري واعمالي خارج القطر