حكيلي بقلم منذر كلول

حكيلي عن الهوا
عن شميميس والحدو
حكيلي عن الأخضر
بجنبو سهول يمتدو
حكيلي عن الميات
عن سواقي عدد أيام ينعدو
حكيلي عن الحمام
وكيف قناطر وانشدو
حكيلي عن الايمام
رضايا الدين ياعبدو
حكيلي عن السرداب
وعن الأحباب ،ياسعدو
حكيلي عن النجمات وليالي مينعدو
حكيلي عن الآهات
حكيلي عن الحجرات جنب السور
حكيلي عن الغصات للفقرا مرمية
حكيلي عن الكارا وعن المجرور والتنور
حكيلي عن الفلاح ملون جبهتو بمنجل
وباقة زهر بري مع قرنفل
حكيلي عن ليالي قمر والحور
عن الببور
حكيلي عن النورات
والجمرات
والقفور
حكيلي عن مكبات
والأكلات
والعجور
حكيلي عن العنبات والتينات
والدبور
حكيلي عن السين
اللي بعدا لام
حكيلي عن سهولي
من الكافات
ل سلام
حكيلي عن السينما
عن الصياط
والمقام

حكيلي عن الماضي
عن الجايي
ع كل عيون
بابمتنام
حكيلي
لاحكي شوي لولادي
عن الأتراك شو قضومع جدادي
حكيلي لأحكي شوي لولادي
عن الأبطال بالسرديب بتنادي
عن الأفكار
و التذكار
والماضي
احكيلي
شو بدي قول لولادي
شو...
بيسمع حكي باللهجة المحلية
معقول أنا..
في سلم ميي
هادا الحكي مو عنك سلم ميي
هادا الحكي عن التسعة بعد تسعين
مو ميي

الله الله
ما أحلاها من كلمات تحكي بضع أسئلة لما كان في سلمية
آخ شقد في شغلات لازم يحكولنا عنا .. نحنا منجهلا
بس مين ؟؟؟؟
شكرا أخي زهرة اللوز على نقلك لهذه الكلمات للأستاذ منذر ..