طريق حماه ومسخرة يوم الخميس

يمكن كلمة مسخرة مابتكفي مابعرف شو صاير هالايام بحس شارع حماه يوم الخميس-وخصوصا انا مبارح كنت هونيك- كأنو عرض ازياء مع مياعة بس انا مو قصدي انو لبيطلع من بيتو مرتب يعني بكون مابيسو كلنا منطلع مرتبن ومظبطين حالنا ....يا رنوشة بعتذر انو مابعرف شو بدي جاوبك لانو عم حس حالي عندي عم اطرح اسئلة ؟؟؟؟؟؟؟؟ او اتعجب
وحسب ما بحكي مع بعض الشباب _ذكور واناث_بحسن انو مفكرين هي الحضارة بالتنورات الشبر بعزدين الزمهرير وكعب 12 او كيلو الجل ع راس الشب طبعا للمرة التانية بذكر انو مو معناها مايحطوا جل ويضبطوا حالن بس كل شي بحدود هادا غير التلطيش من اليسار واليمين ........وقت كنت اطلع انا واصغر يعني ع 18 سنة كنت اكره التلطيش (يعني متل كلمة ياحلو -يسلملي البلوزة الزرقااو.....)اما هلق هدول صاروا كلمات مهذبة اما هلق ابن 14 بلطش بكلمات وسخة وتسميات .....اكيد ماراح اذكرها فاذا الشباب مفكرين حالن كبروا ومفكرين هي حرية فاذا فهمن للحياة بهالطريقة فبقلك يا رنوشة انو الاتي اعظم واخطر ....

أنا معكن بكل شي حكيتو
بس أأههههه فشيتولي قهري من هالشارع و الشباب التافهين و الصبايا المايعين >>>طبعاً ما بعما عالكل
و ما حدا بيعرف قديش بكره الشارع هاد فوق ما حدا يتخيل بكرهه
حتى بخجل مر فيه مع عمي أو حدا كبير بيقربني
في كمالة طويلة لحديثنا

طولو بالكن صبايا ....

شارع حماه يوم الخميس مجرد نزهة .... رياحة ....
بعد اسبوع من الدوام المدرسي و الجامعي و الوظيفي و .. و ....
معقول عم تحكو هيك ؟؟؟

شو شباب و صبايا مايعين ....هدول أهلنا و اقاربنا و اصدقائنا و جيرانا
طيب اذا كل هادا متحمسين و عم تشنو حملة طويلة عريضة انتو نفسكن ليش بتروحو يوم الخميس ؟؟
خلي يلي نيتو حسنة ينبسط شوي و يشم هوا
انا طبعا مو مع التلطيش بس فيكن تعالجو الموضوع بكلمات ابسط و اخف
بدل : مياعة ....تافهين .....مسخرة
فينا نقول : الشباب يلي بدون شوية وعي .... التصرفات الخاطئة
اذا واحد غريب هلق شاف الموضوع والردود شو بدو ياخد فكرة
و كأنكن عطيتو فكرة سلبية جدا عن الشارع و عن سكان المدينة بيوم الخميس ؟؟
رنوشة ... متل زهر البيلسان .. المتمردة
مو كل اصابعكن متل بعضها
وبعرف انو هيك كمان رأيكن و هاد الواقع وانتو هدفكم التوعية
بس خلينا بدل ما نحلل و نفسر على كيفنا خلينا نلاقي حل
لهل المشكلة اذا في مشكلة
لانو من الطبيعي و بأي مجتمع كان صغير او كبير ان يكون هناك الزحام و الشباب الطائش و كل هذه الامور
فمثلا يلي ما بيحب هذه الاجواء في ما يروح يوم الخميس
مع العلم انو في كتير ناس بتحب اجواء الزحمة
ومثل هذه المشاكل صعب كتير انو نحلها مو كل الناس فيها تمشي على الصراط المستقيم


رجاء تقبلو مروري .... وذها لا يدل على ان ارائكم خطأ
فنحن ابناء بلد واحد سنبقى متحابين الى الابد

يا جماعة شبكون بدكون شغلة صغيرة لتبلشو تتنفسو فيها يعني
ما اختلفنا الآنسة فرح بتوقع حكت كتير منيح وحاولت إنو تهذب الحديث من قبل الجميع بس للأسف يظهر مابدكون تردو بطريقة شوي تليق بالمنتدى واسمو له ياشباب ويا صبايا أنا ماني عم دافع عن هالظاهرة بس بدنا النقاش يكون ضمن النقاش مو يكون مجرد شتائم بتمنى من الجميع الي ردو يعيدو النظر بتعليقاتهم ويعدلوها بيكون أفضل والموضوع انطرح من قبل رنوشة للنقاش وبس مو لنعطي انطباعنا بهي الطريقة

حرااااااااااااااااااااااااااااااااااااااااااااااااااااام
أكيد كل هالحكي اللي طلع منا أكيد هوي عبارة عن دموع من قلبنا المحروق
نحنــــــــــــــــــــا لوين رايحين
هالمدينة اللي عمرا أكثر من 5000 ألاف سني لوين مصيرا
مدينة الفكر والشعر والفن

مع احترامي للجميع وبالاذن من فاتحة الموضوع لكن الكلام الذي كتب انا لااستطيع الا ان اشبهه لمحاوله وصول المثاليه لكن بطريقه فاشله
انا ماني عايش بالجو بس لما نزلت على سلميه بالصيف شفت هدا الموضوع على شارع حماه
بس نحنا لازم مانحكم على الاشخاص من النظره الاولى والله موقف شعراتو يا اخي هي الموضه اذا الواخحد فرق شعرو بالنص بتقولو انو ليك شو انو مابيعرف شي وليك وليك
وانا واثق انو كلنا منحب شارع حماه وبرغم اي شي بيزعجنا في رح نضل نطلع ندرج علي
في نقطه كتير مهمه انو شارع حماه هوي المتنفس الوحيد لشباب سلميه وهدا بيعني وجود كافه فئات المجتمع السلموني يعني الدارس والي مانو دارس والفهمان والغبي والي عل الموضه كتير والي مالو علاقعه بالموضه
فمن الطبيعي انو مايعجبنا تصرف او وجود بعض الاشخاص بهشارع
انا مابدي ناقش بطريقه عقيمه وقول انو الشباب كتير زعران ووقحين ومافين الكويس ولا بدي قول انو البنات كتير مهذبين عنا بسلميه ولا بدي قول انو الحق عل الاهل هدا جيل لازم نحترمو لانو لما كنا بعمرو كنا شايفين حالنا مو مصدقين
وما بعتقد انو التنوره القصيره والجل هي الاسلحه فينا نحارب فين الشباب والبنات لانو نفس الموضه عمم تتكرر وسالو الكبار عن موضه السبعينات والتمانينات لما كانت التنوره شبر ولما كان الشب يعبي راسو برينطين(جل)السوالف الطويله وغيرو كتير
انا بعتذر على الاطاله بس الموضوع اثارني وانا بحيي الاخت فرح على رأيها

اولا حلو يافرح غيرتك ع اهل بلدك ومابدك حدا يحكي علين
ثانيا لعم يمشوا بشارع حماه اولهن خيتي تانيهم بنت عمي وخالتي
وانالو ما بحبوا شارع حماه ويمشي عليه ماكنت شفت هالشي لعم

تحكي رنوشة عليه يعني من وقت ما صرت 14 سنة وان بالعيد لازم

انزل اتمشى ع شارع حماه -وانا بكامل اناقتي لانومافي ابشع من

المبهدل وينزل يتمشى -بس من سنتين حرمت من العجقة اللي مو

مقبولة وببلش تلامس لي ع الاساس بالغلط والفتيش بين الارجل وهادا

منظر مو حضاري
مو المشكلة بيوم الخميس لانو اكيد خلال ايام الدوام الاسبوعي

والدراسة ما راح الاهل او حتى الشخص نفسو كتير يجي ع بالو يمشي

وطبعا لوجودي بحمص عم شوف هيك حتى بشوارعها
بس اخرسنة حسيت في شي زايد عن حدو يعني نحنا مثلا بالصدفة

لتلاقي حدا من الشباب اهلو متعصبين او بيلاحقوا ع الدعسة يعني كلو

بينزل وبيطلع ع راحتو وهيدا الصح بس في عدد لابأس فيه من الشباب

بتقولي معدومين طلعة وكأنوا اول مرة بشوفوا زحمة -ومافي حدا منا

مابحب التجمعات لانو يوم الجمعة الشوارع منظرها ببكي- وحلو اي

واحد منا يطلع يتمشى او يقعد بالكافتيريا بس بدها شوية تفكير لانو في

كتير من هالجيل لبعدوا طالع مفكر المراهقة مشارير وشباب يطلعوا ع

البنات او العكس
بتمنى بعض الافكار عند هالشباب تنضج اكتر ويكون مفهومن للحرية

والحضارة اوسع

طبعاً رح أعطي رأيي الشخصي بعيداً عن أي شيء:
أنا مع كلام "متل زهر البيلسان" بكل ما حكيتو
وأنا بستغرب في بسلمية مليون شارع أو منفس تاني
واجيكن صحياً أكثر شارع ملوث في سلمية هوي شارع حماة
يعني ما بيجوز إذا طلعتنا لشمة الهوا بس .. ما بيجوز نشم هوا شارع حماة في شوارع تانية نظيفة وخرج شمة الهوا
وبعدين ع دور أمي وبيي وغيرهن صحي كان تنورة شبر بس كان أغلب الناس عندن أخلاق وكان في زوق ونخوة.
يعني اذا شافوا واحد غريب أو اذا حدا من بيناتن لطش عن وحدة بالشارع " خيتو يعني مو لأنو نحنا اخوة" كانوا يقوموا الدنيا وما يقعدوا لأنو كلنا منعرف بعض واخوة وبتربطنا روابط بتعرفوها ما رح اذكرها.
أي هلق الحجاج الصايعين بيتوافدوا من كل ارجاء المعمورة ليشوفوا كيف التنورة بتقاوم الزمهرير وخصوصاً في هذا الشتاء.
عنجد شي بيخجل ... والشباب اللي عم يلطشوا وطبعاً نحنا ما عم نخلص منن كمان اذا بيرضوا حدا يلطش أو يحكي كلام محترم متلن يجي يلطش أنا ساعتها بسمحلوا.
وعلوا بس تلطيش غير هالكلام اللي انا اذا اسمعتوا بخجل منو..
وبعدين يا اخوتي اللي بيجي ع سلمية أول شي رح يشوف شارع حماة فشو برأيكن رح ياخد نظرة عن سلمية .. أكيد ما رح يقول بلاد الفكر والشعر والفن وفهمكن كفاية وأكيد وللأسف هاد العم يصير .. القصة مو قصة جيل ولا قصة كلام نابي ولا مجرور القصة قصة ضياع .. لوين نحنا رايحين .. برجع بقولا وبكررا لوين
أنا بذكر رحت كم مرة آخرهن كان بالعيد منشان ما خجل رفقاتي اللي قالولي مريض نفسي لأني ما بروح ع شارع حماة.. بقا شو بدكن أكتر من هيك.
وللآسف هي نسبة الشباب صارت كبيرة كتير وما بقا حدا ينسند في الضهر..
مين بدوا يحمل راية الماغوط .
شي عنجد بيغصص .
________________________________
" دفتر تفقد" للشاعر والأديب الراحل محمد الماغوط

هلق انا بطلع عشارع حماة يوم الخميس اكيد يعني هوي اليوم اللي منخلص فيه دراسة وبعدوا بيكون عطلة
فمنطلع مشوار عطريق حماة بس بطريقة حضارية يعغني منمشي شوي ونقعد بشي مقهى
بس معك حق انو في بعض الشباب الطايشين يمكن وما عندن ذوق بيشوهوا الوجه الحضاري لسلمية وبيعطوا فكرة خاطئة عن سلمية وعن اهلها
ومشان التجمع عند مدرسة زينب ما بعرف ليش بجوز لانو في مجرور للمي وانشا الله يسحبون المجرور؟؟

والله عنا بالشام الشغلة صارت ضرب 2 وانا يعني كتير متدايق من هلشي وحتى في موضوع قلة ادب الشباب بالشارع يعني هي ظاهرة خطيرة ولازم نعالجها وخاصة ابلشعلان ولا تنسوا الشواذ يلي صارو كتار والتلطيش والسيارت يلي عم تشفط والبنات يلي نازلين بس مشان يسمعوا تلطيشة
والمنظر ببكي
وشو بدي احكي لاحكي اااااااااااااااااااااااااخ

أنا رايي باختصار أنو شارع حماه بالنسبة الي هو طريق متل اي طريق تاني بالسلمية

وبالنسبة لمشوار يوم الخميس انا بفضل اقعد بالبيت يوم الخميس بعد المشوار يلي طلعتو بالعيد وشفت شو بيصير بشارع حماه

والي بيحب هيك أجواء خلي يطلع وينبسط ويرفه عن نفسو(انا بقصد كمان اجواء الزحمة)....

وما رح اكتب اكتر من هيك لانو رايي متل راي رنوشة

منشان انو يوم عظيم!!!!فهاد شي صار مع الزمن ليكو كيف
يارنوشة عظيم لأنو متل مابيلاقو الابعض انو نهاية الاسبوع وبايام الدراسة بيكون ورا عطلة فيتصير فرصة
وهالشي صار يكبر لأنو عنا الشعب بيعملو متل بعض وبيحاولو يعملو شي مميز
ومنشان التلطيش صار امر طبيعي متعودين عليه من قبل كل الاعمار
هوي للكل مابيعني هيك للبعض وعندك بعض العالم بيقدسو هاليوم
وما بتلاقي حدا بحملة النظافة وأكتر بالمشوار لأنو بالمشوار بيكونو عم يعملو شي بدن يا فبأدو بكل سعادة
ومانوبهالامور لأنو في اشيا تغيرت وتغير الزمن وكل واحد بيعمل متل مابدو
هلق كن الاجابة ودقيقة
انا بطلع ع شا رع حماه هيك بقصد المشوار والترفيه
وتغيير جو متل ماقلتي ونحان عالم منحب محلات الزحمة منحسها احلا
بس موبطلع منشان اللقاءات الغرامية
ويمكن البعض بيطلعو ع شارع حما منشان يكونو متل الكل او لأنو تعود ع هالشي
انا بحب اطلع هيك لاتمشى اوجيب غراض مو متل الاغلبية
بس كل شي الو حدود

بداية شكرا لكل مشارك وانا حاليا بغربة بس رح ناقش الموضوع من خلال ذكرياتي مع شارع حماة من عام 1987
من زمننا كان ومازال اهم شارع تجاري وكنت اطلع عاشارع حماه ويوم الخميس يكون مختلف ليش ؟؟؟
تخيلوا جميعا شارع حماة بدون زحام !!!!
او شارع حماة مافيه عالم عم يمشوا !!!
او مافيه شباب حلوين او صبايا حلوين !!!
انا متأكد انو اللي طرح الموضوع بدوا يبطل يطلع عاالشارع او بيروح عالدبلان ليشتري او يمشي او يتسوق .
هي حقيقة شارع حماه متنفس للعشاق الغير قادرين انو يلتقوا بمكان اخر ربما هالنظرة تعطي قوة ونشاط
وبتبعدك عن العقد .
ومكان للقاء الاصدقاء قبل انتشار الموبايل .انا ماكنت اعلرف انو اصدقائي رجعوا من الجامعة الا عاشارع حماه وبعض المراهقين ليسوا كل من في الشارع يمشي
اما عن رؤيه الشباب للممثلين وتصويرهم فهذة مشكلة المجتمع المغلق وهي اهم من مشكلة شارع حماه
واتمنى من الجميع ان يقيس على نفسه اولا
وخاصة رنوشة اللتي لاأعرف اسمك الحقيقي اذا كنت عاشقة وغير قادرة على اللقاء به او رؤيته الا في شارع حماه ماذا سيكون تصرفك !!!!