مقعد اللقاء

رجاء مستحيل أكتر من رائع
بدك الصراحة هاد أول شعر بقرا بالمنتدى بفش قهري و خلقي
هاد أول شعر بقرا بأشعر بدني أنا وعم إقرا كل بيت فيه
بس في كم ملاحظة بسيطة :
لن أبكي على شخص لن يعرف معنى الحب
بالبيت السابق حاسة إنه في غلط يعني مو راكب عبعضه بما أن كل أبيات الشعر بدور حول الماضي و أحداثه فكلمة لن مو زابطة....
عم تفهمي عليي؟ يعني لازم تكون يمكن هيك :لن أبكي على شخص لم يعرف معنى الحب.
لا تصدق كل كلام ينطق كل دمع يهطل كل جرح ينزف
ok أنا معك بكل البيت السابق ما عدا كل جرح ينزف لأنه إذا فينا نكذب بالدمع و الكلام فمستحيل يكون فينا نكذب بالجرح الذي ينزف لأن النزيف لا يكذب أبداً
ما بعرف إذا فهمتي قصدي ؟؟؟
بتمنى شفلك أشعار تانية يا مبدعة و أنا واثقة إنك ما كتبت هاد الشعر من فراغ...

انا بشكرك كتير ع النقد
اول شي عزيزتي انا استخدمت لن للدلالة على انو هاد الشخص ما عرف الحب بالماضي ولا رح يعرلافو بالمستقبل
تاني شي (جرح ينزف) انا ما قصدت اي جرح عادي بينجرح بسكين او بشي حاد وبينزف انا قصت جرح القلب فهمت عليي
وشكرا مرة تانية

أنا بعرف إنه قصدك مو جرح بسكين هاد شي أكيــــــد
أنا قاصدة إنه جرح قلب متل قصدك
يا رجاء يا عيوني مو كل القلوب بتنجرح بهي الأيام يعني قليل قلوب مارة عليي ما بتعرف شو هو القلب لتعرف الجرح
فبالتالي مو أي قلب بينزف غير المجروح و اللي كله رقة و إحساس
أما بالنسبة لكلمة لن فأنا فهمت هلق شو قصدك فيها بس
بوجهة نظري لو حطيتي لم و لن يعرف معنى الحب بكون التعبير أقوى و معبر أكتر وواضح كمان

انا لما قلتلك جرح القلب حطيتا صفة لصخص معين ماني عم احكي بشكل عام
بعرف انو في عالم ابتنجرح وفي عالم لا
بس انتي عم تحي بشي ما الو خص بالموضوع
بالنسبو ل لم و لن فيها وجهة نظر

عن جد رجاء فيها شي حلو
طريقة كتابتك والحالة عطو شعرك شي حلوة
وانا بوافقك ع الصورة لأنها مناسبة ومعبرة
وشكراص الك دائما مميزة

مرحبا هذه الرساله تعبر عن رايي بقصيدتك مقعد اللقاء والتي لدي بعض الملاحظات عليها ارجو ان تقبليها
هذه القصيده لاتصنف على انها شعر بل هي اقرب الى الخاطره ولا اقول ذلك استنادا على انها لاتحتوي على وزن او قافيه
بل اتحدث من ناحيه قوه الاداء واحدى اهم الركائز للشعر هي القدره على ايصال الفكره باختصار
لانك عندما كنت تحاولين ايصال فكره او الانتقال من حاله الى حاله تكتبين كثيرا لتصلي الى قصدك فمثلا لاحظي كم احتجتي لتوصلي فكره انك لن تبكي على احد بل ستبكين على نفسك
كتبتي
ياجرحي ويا حزني يامقعدي ويا قدري
لن ابكي بعد اليوم ولن ابكي
لن ابكي على شخص لن يعرف معنى الحب
لن ابكي على شخص مزق المشاعر على رصيف الدرب
لن ابكي على شخص كسر وحطم ودمر
بل سابكي على نفسي

احتجتي الىكل هذه الكلمات لكي توصلي هذه الفكره وهذا يضعف النسق العام للشعر
ولاحظي كم مره كررت لن ابكي على شخص
فابتعدي عن التكرا قدر المستطاع
انا برايي لو كتبت هذه القصيده على شكل حوار بينك وبين المقعد كان اجمل
وايضا كتبت اسماؤنا والاسلم اسمائنا

شكرا الك غيث بس انا متل ما قلتلك غلطت بتنزيل الموضوع لازم حطو بالخاطرة بس ما عم اعرف كيف انقلو
وشكرا للتصحيح الاملائي
بس كانو كل نقدك سلبي معقول ما في اي ايجابيات!!!؟؟؟

تعودنا على شي
وماعد فينا نمشي
شوهادا رجاء أنتي شو عم تعملي
بشكرك على أدائك الحلو
مع محبتي علوش

أبجدية قاتلة سترتمي قريبا في حضن البواسل...
شوهاد ....بتجنن

[size=21]أنا التي كنت أعبد غير الخالق لكني الآن حرمت

أنا التي كنت أقدس الحب لكني الآن تبت

أنا التي كنت أركع أمام الجنون لكني الآن نهضت[/size]
.....جمل رائعة والصورة حلوة والموضوع بجنن

يعني شو الواحد في يحكي
ماضل حكي الحق عليي تأخرت بقرلئتها
على كلن يسلمو رجاء بتجنن

شكرا للجميع ع الردود