الهريــــسة

الهريسة

المقــــــــــادير :

حنطة مقشورة

دجاج

مادة دسمة (سمنة – زيت )

ماء

ملح – فلفل – لوز مقشور


ويمكن وضع الدهن (اللّية )

طريقة التحـــــــــــضير:

نحضر الطنجرة (طبعا" أكبر طنجرة بالبيت ) نضيف الماء ثم نضع الدجاج و الحنطة المقشورة والمنقوعة مسبقا" والملح ونتركهم على النار حتى الغليان(ويجب عدم تحريك المزيج حتى يغلي )(لاتسألوني ليش ؟ هيك بيقولوا النسوان... بجوز مشان ما تلزق)
وعند الغليان يأتي دور التحريك المستمر لكي تشتّد وتصبح مشللّة ويتبرع زلمة البيت في هذه المهمة (يعني بيطلع مستوي مع الأكلة وبتنخلع ايدو من التحريك)
وإذا لاحظنا إنها بحاجة إلى ماء لايمنع وضع القليل من الماء الساخن ونبقى على هذا المنوال حتى الأستواء
يأتي وقت السكب ما بتخلي ولا صينية بالبيت تعتب عليك
ثم تقلّي اللوز مع الدهن (اللّية ) مع السمنة ونتركهم حتى الاحمرار ونضيفهم ع الوجه بعد السكب
ويبــــــــــدأ الضرب

وصحــــــــــــــــــــتين وهـــــــــــنا

*هي الأكلة بتلاقيها في الأعراس أو التعازي أو شي عزيمة والزحمة في هذه الأكلة مطلوبة لتشعر بلّذة الأكلة(يعني الكترة ع الأكل)
*وكمان فيك تاكل معها مخلل وفليفلة حرة حرة وكمان خبز...ولي ماأطيبا
* تختلف الكمية حسب عدد الأشخاص
*تنقع الحنطة قبل بليلة


وألــــــــــف صحة سلفا"

صحـــــــــــــــتين.........

كنت بدي اكتب حمص بس قالولي ماحدا بيحطلا طلعت انت بتاكلا بحمص ......

المهم انشالله تنال اعجابكن .....


رانـــــــــــــــــــــيا .....