ما الحل؟..

ماالحل؟..
رغم الإبتسامات التي نبتسمها لكننا في داخلنا
نرغب بالبكاء أحياناً..لماذا؟
رغم الفرح الكبير الذي يملأ وجهنا لكنه
يخفي حزناً أكبر يملأ قلوبنا..لماذا؟
رغم قربنا ومحبتنا للآخرين لكن في بعض اللحظات نسرق من الحياة
بعض مشاعر الكره والبغض لبعضهم..لماذا
لماذا..لماذا..لماذا
ألا يوجد جواب لهذا السؤال؟
كفى فقد سئمت..سئمت الانتظار على أبواب الامل
أترقب قدوم الفرج
كفى لقد تعبت من هذه الأقدار البشعة التي تحوطني
في كل مرة أتأمل فيها بأن أنال ما أريد
أعود خائبة من جديد وابدأبالبكاء
وأستمر فيه وأبكي بعمق فإنه المهرب الوحيد
أدخل المنزل بيأس
وأذهب لغرفتي وما إن أدخلها حتى أبدأ الصراخ
وتبدأ دموعي بالانسكاب على وجهي
كأنها غيمة ماطرة في ليلة هوجاء مرت بها عاصفة لعينة
فلماذا؟لقد سئمت منكم لقد ضجرت لماذا تفعلوني بي هذا؟
أرجوكم إني أتمزق حزناً ..ساعدوني
حاولت كثيراً لكن بلا جدوى هكذا مثلما نحن كنا بقينا
فإن كل الأشياء التي كنت أعشقها
أصبحت أملها وأصبحت أكرهكم
يامن فعلتم بي هذا..كفى
فأنا متعبة متعبة من التفكير
فكرت كثيراً لكن بلا جدوى
كل هذا وكان التفاؤل والامل في قلبي
لكن بعد هذا لا أأمل منكم شيئاً
فأنا الآن منتظرة بلا أمل
جالسة أنتظر أن أبلغ منالي
أن أحقق بعض الأحلام التي ادخلت البهجة الى أيامي
كل ماكان في أيامي من أحلام
ضاع سداً بسببكم
اتركوني لقد قررت بعدكم عني
سنفترق...

الحل انو بكل لحظة من هللحظات يلي حكيتها تتذكري انو في شي حلو عايشة مشانو
اي شي
والشغلات الحلو كتيرة بالدنيا

رغودة الناس السيئين بيطلعولنا بكل مرحلة من مراحل حياتنا وما بيتركونا لحتى نيئس من الحياة....بس مو كل الناس سيئين يعني الا ما نلاقي الصديق اللي بيبعدنا عن هيك عالم...
ونصيحة مني ما تخلي حدا يأثر بيومك مين مكان يكون...بكفي انك تبتسمي بوجه كل مشكلة ولحالها بتختفي....
شكرا كتير رغد....

براء ..خضر
شكراً الكم كتير لمروركم وبشكر ارائكم
وصح لازم نتذكر الشي الحلو اللي عايشين من شانو
وانو اكيد في عالم مناح واصاقاء بيوقفوا معنا دائماً
بغض النظر عن الناس السيئين اللي ممكن يسببولنا حزن
بس انا اكيد هاد الشي وغيروا هو او انكان ناس تانية بخليون يأثروا فيي
واكيد رحابتسم دائماً ورح ضل متفائلة

أكيد لازم الشخص يعيش بتفائل
وبعيد عن أي شخص بيسببلوا حزن
لأنو ما حدا بهالأيام بيستاهل نذرف منشانو دمعة
وصارت الدنيا بالمقلوب والشخص اللي منحبو منبعد عنو وهيك الدنيا ماشية.
أنا مع كل شخص بيعيش متفائل لأنو أجمل شي التفائل بهي الدنيي اللي ما فيها شيء صادق.
بس مو هون السؤال
السؤال هوي شو معنى تفائل؟ يعني بلا احساس ... بلا ضمير .. كذاب.. ما بيحس
ولا شخص آخد الدنيا هيك ومو هامو حدا غير نزواتو
ولا شخص .....
هون في أسئلة أكتر لازم نقول فيا لماذا؟

بقدر ما تكون المشكلة كبيرة ومعقدة
بقدر ما هي صغيرة وتحل بكلمتين
.....
هذه أنا
.....
قوليها واعرفي نفسك قبل ان تظهري نفسك للآخرين ..
فالظهور العبثي يسبب المشاكل..
.....
عندها تكون "انا" واضحة للجميع ومتفاهمة مع الجميع
دون استثناء

لا أريد أن أثبط من معنوياتك أكثر من ما هي واضحة في الخاطرة
إلا أن الماغوط قال مرة
( ... إنني أعد ملفا ضخما
عن العذاب البشري
لأرفعه إلى الله
فور توقيعه بشفاه الجياع
وأهداب المنتظرين
ولكن يا أيها التعساء في كل مكان
جُلَّ ما أخشاه
أن يكون الله أميّا )

فان الماغوط لا يتأمل كثيرا ...... بسبب ما عاشه .... كأي مواطن سوري
هذا مثال على الأمل ...... لا أقصد به تغيير موضوع الحديث لموضوع حول حال المواطن السوري
إنما هنالك كثير من مقولات الماغوط حول الأمل ... وأعتقد أنه لا يتأمل كثيرا ... فهو ان حصل على شيئ جيد يعتبر ذلك شيئا غريبا

وشخصيا أرد عليك بهذه الخاطرة التي كتبتها منذ زمن

"اانا يا صديقة متعب
ألا أستحق الراحة

لماذا تصمتين وتصمتين
لماذا لا تجيبينني

ان الدهر
مذ خلقت
وهو يشن الاف الحروب
على سعادتي
على كل ما هو رائع

وأنت الآن ...
ماذا تفعلين !!
هل لانه عفا عني
تريدين استئناف حروبه ضدي

أيا صديقتي
أستحلفك بالصداقة
بعد الاله الذي تعبدين
أأنا صديقك
ام أنني
عابر سبيل


17/2/2009
"


تحياتي لك صديقتي

يا أحمد بسرعة نزلها ببوابة الخاطرة لأنو حلوة كتير ومن اجمل ما كتب في المنتدى
بالنسبة الي طبعاً ..

بس طبعا
ً مو كلها .. بالنسبة الي المقطع الأخير بيكفي لحالو .... مافي داعي لكل هالبدايات

مرة تانية بشكركن لمروركن
وانا متل ماكتبت فوق بالرد اني متفائلة
في امور عم تطرني ضوج وعم حاول اتخلص منا وحل المشاكل
ويا علي عم حاول اثبت الانا بس شو بتعمل اذا عم تثبت الانا لعالم ماعم تشوف هالاثبات
والواحد محلي لازم يبعد بس كل ما اجي بعد بيصير في ضعف لأنو الشغلة اللي بدي بعد عنها انا بحبها
مراد _علي_كنان_احمد شكراً الكم

شو هدا يا رورو عيملي ضجة اعلامية وانا اخر من يعلم كل الي حكو الشباب صح وباذات علي لازم شوفك ومنعمل (اعادة صياغة )لحياتك يلا وحياتي بطريقنا وينين يجو يتمسخلروا عالفلسفة بهد الرد

لما الواحد يا مي بيطلب أشيا أكبر منو .. أكبر من أحلامو ...
طبعاً بيجوز بهالأشيا منحط الحق ع المجتمع اللي ما عم يفهمنا .. اللي ما عم يساعدنا ويعطينا
رح ينصدم كتير ويفوت ع الغرفة ويبكي كتير
ويقرر ويقرر ويقرر وما بعرف اذا رح تتنفذ هي القرارات ونتحدى بيوم شي حبيناه
تحياتي وشكراً مرة تانية رغد

شكراً يا ميمي...
(اعادة صياغة)كبيرة ع اللي متلين كمصطلح

وكمان الواحديا مراد لما بيحط براسو شي او فكرة وبعند ما بدو يغيرا وما بدو يفهم او يشوف الموضوع من ناحية تانية ويرمي الغلط على غيرو ويعتبر حالو ملاك وصح مية بالمية رح يفكر انو هدا الغير اكيد رح ينصدم ويفوت يبكي بغرفتو بس الحقيقة مو هيك الحقيقة في لوم كتير كبير عالمجتمع والتناقض والناس اموجودين في
والله يارورو عجبتني كبيرةعلي متلين قوية كتير
وبتمنى يامراد تكون فهمت علي شو قصدي

والله يا مي موكل الأشيا بتنحكا أو بتتوضح لأنو في شغلات ما بدها تنين يحكوا فيها
لما بتكون هي الفكرة مبنية أو مأخوذة من المنبع أو لسان الشخص الأساسي وعم يحكي فيها وين مراح وبأي قعدة كانت .. فهون الشخص الآخر ما بتصفي عندو قصة عناد أو ماشابه بتصفي قصة تانية ع الخالص ... واذا ما حبينا نصدق فهي مشكلتنا ويا مي لا تفكري أنو في حدا بهالدنيا بريء وما بيعرف شي ..
لأنو رح يجي يوم وتكتشفي أنو عامل شغلات نحنا ما كنا نتوقعها أو حاسبينا.
وخصوصاً اذا كان في ناس كانوا غاليين علينا طبعاً من زمان منكتشف أنو كان حبن إلنا نزوة وما بيستاهلو تخافي علين أو تقدميلن شي لأنن ما بيستاهلو.
تحياتي وبتمنى تكوني فهمتي قصدي يا مي

فهمت عليك بس انت عم تغلط انك عم تكبر المولر وتضخما وبالنسبة لكلمة ما بيستاهلو ما في حدا ما بيستاهل اذا مو مشانين مشان الشعور الي كان جواتنا طالما كان في شعور محبة ومعزة لشخص فهوي بيستاهلو لانو خلق جواتنا هدا العور فهوي حتى لو ما بيستاهل برايك المفروض يكون بيستاهل احتراما للشعور وللمحبة بعدين يا مراد نحنا بدنيا فيا اشكال والوان وما في حدا صح وحدا غلط لانو الصح بنظر حدا هوي غلط بنظر التاني ومشان هيك مو ضروري كل العلاقات تنجح ولحتا تنجح المفروض يكون في وعي من الطرفين فكيف اذا ما كان موجود ولا عند اي طرف انا هيك رايي بتمنى تتقبلو

شكرا مي كلامك ألف بالمية صح
وبالنسبة للطرفين وأنو يكونوا واعيين لتنجح العلاقة فهاد صح
واذا بدك تتأكدي فسألي أقرب الناس إلك ليحكيلك
لأنو اللي عايش التجربة مو متل اللي عم يحكيها.
تحياتي