صبايا المسلسل الأكثر جمالية بين مسلسلات رمضان لهذا العام

مسلسل صبايا الأكثر جمالية في الشكل والمضموم بين مسلسلات رمضان لهذا العام 2009
صبايا برعاية مجلة صبايا
تأليف وسيناريو وحوار: الكاتبة المبدعة رنا الحريري
بطولة:
ديما بياعة
نسرين طافش
كندا حنا
ديما الجندي
جيني اسبر

إخراج : الأستاذ ناجي طعمة

قصة المسلسل:
يروي قصة فتيات كل واحدة من منطقة تسكن في الشام في منزل نور وهي ديما بياعة وكل وحدة لديها موهبة وتخصص في شيء معين والبحث مستمر يومياً على فرصة للعمل وللأسف تنفتح أبواب الشر والخير أمام الفتيات وتتحطم أحلامهم في كل حلقة قصة بحث لفتاة أو فتاتين...
هي حالنا نحنا البنات والمسلسل كوميدي بامتياز يسلم إيديكي يا رنا ع هالعمل الرائع
يا ريت فيني شوفك عن قريب لباركلك
مع حبي واحترامي
فاتنة

من طرف **علي الخطيب** الثلاثاء أغسطس 25, 2009 9:24 am

ما بفضل انو نحكم من هلق عنو انو أفضل مسلسل

أنا بشوف انو في كتير أفضل منو
بحسب رأيي الشخصي طبعاً

وعلى فكرة فاتنة.. .يعني إذا انت كاتبة بتتشكري رنا
ليكي عمي المخرج هو الذي يمكن أن يجعل من النص السيء ناجحاً ومن النص الناجح فاشلاً

يسلمو ايديك يا نااااجي

هههههههههههه
حلوة هالنهاية ذكرتني بـ بقعة ضوء اليوم
إيه عنجد النص باين فيه روح أنثوية عالية بقا المخرج مبدع ما اختلفنا لكن لولا النص مو جيد وحلو وممتع ما عجبه لـ ناجي لأنه كتير مزاجه صع متلك تماماً
مع حبي واحترامي
فاتنة

من طرف رجاء سلوم الثلاثاء أغسطس 25, 2009 11:50 pm

اي والله يا فتون معك حق هاد احلى مسلسل
والباقي كلو ......

أنا برأيي بس يخلص المسلسل نناقشو درامياً هون وممكن نناقش مسلسلات تانية بمواضيع تانية

يا أخ علي........
مو أنا اللي عم قول المسلسل الأكثر حضوراً تابع قناة دراما ورح تشوف بعينك كيف العالم كلن برمضان عم يسألون أي أحلى مسلسل كلن عم يقولوا صبايا...
بقا أنا بحب قلك أنو العمل بيبن صداه من أول 3 حلقات وبينعرف هو شو..
مع حبي واحترامي
فاتنة

من طرف **علي الخطيب** الخميس أغسطس 27, 2009 8:02 am

لا يمني رأي الأغلبية لأن أكثر الناس يحبون الكوميديا
ولكن هذا لا يعني أنها الأفضل

من طرف ابراهيم كبار الجمعة أغسطس 28, 2009 5:46 am

أخت فاتنة المسلسل حلو أنا معك وبتمنالك تقومة بعمل أفضل منو
بس مو كل الناس عندآ نفس الرئي وبما إنك كاتبة موهوبة شورأيك تكتبيلنا نص يحكي عن موعانات الشباب ونحنا منحكيلك موعاناتنا بس بتمنا ماتخرجي عند "علي الخطيب" شورأيك

من طرف علوش الجمعة أغسطس 28, 2009 6:53 am

أي والله حكيلنا عن(موعاناة الشباب)

عندي عمل اجتماعي بيحكي عن معاناة الشباب والبنات اسمه ( قلوب ملونين ) فيه كل شي جديد بيخطر ع بالكم
بس لاقولي أنتوا شركة إنتاج بعدين أحكوا بالمخرج وكليب العمل....
مع حبي واحترامي
فاتنة

علوش كتب:أي والله حكيلنا عن(موعاناة الشباب)

من طرف مولود داؤد الجمعة أغسطس 28, 2009 6:06 pm

أخت فاتنة :
أنا لا حظت إنو أغلب المسلسلات هي السنة عم تطرح (الخيانة الزوجية أو ربما مفهوم الخيانة العاطفية) فما رأيك بما إنك متابعة جيدة للمسلسلات .وإذا اتفقنا فبرأيك ليش التركيز على هاد الموضوع

والله ملاحظتك بمحلا
لأنو فعلاً 80% من الأعمال اللي عم تنعرض والسورية حصراً... عم تعالج مشكلة وحدة بس لاحظ المعالجة كيف عم تختلف من كاتب لكاتب.. أنا بقول سبب اختيار الخيانة بأكتر من عمل عم يكون دلائل لوجود 40% من النساء المتزوجات عم تخوف أزواجها نتيجة عوامل كتيرة وأهمها المال.. في كذا معالجة للخيانة بجميع أشكالها ( زمن العار ــ تحت المداس ــ رجال الحسم ــ آخر أيام الحب ــ سفر الحجارة ــ على موج البحر وأعمال أخرى )....
مع حبي واحترامي
فاتنة

مولود داؤد كتب:أخت فاتنة :
أنا لا حظت إنو أغلب المسلسلات هي السنة عم تطرح (الخيانة الزوجية أو ربما مفهوم الخيانة العاطفية) فما رأيك بما إنك متابعة جيدة للمسلسلات .وإذا اتفقنا فبرأيك ليش التركيز على هاد الموضوع

من طرف **علي الخطيب** السبت أغسطس 29, 2009 3:30 am

أخي ابراهيم بتمنى تركز على أخطاءك الإملائية ماشي بدك تسببلي (موعانات) بقراءة مواضيعك أو تعديلا

من طرف ماجد جرري السبت أغسطس 29, 2009 8:20 am

انا بعتقد انن بالغوا بوصف المسلسل بأضخم انتاج .. وين الضخامة بالإنتاج اذا الديكور عادي وتقريبا الاحداث كلها بتصير بنفس البيت .
وأكيد مو لأن بكل حلقة ضيف جديد... معقول يكون السبب هو المكياج واللباس.
ع كل حال المسلسل حلو..