فرحة من القلب

عن جد وبكل معنى الكلمة بدي قلكن انو
"اللي حضر حضر واللي ماحضر راحت عليه"
كانت مباراة بتجنن ولا بحياتكن رح تشوفو متلا وكان شي بيخلي الواحد ينبسط كتير لأنو اللعب كان حلو ومرضي كتير والحماس اللي عشنا في نحنا الجمهور كان الأحلى
بهاللقاء المميز بين فريق سلمية وفريق الشرطة(المركزي) هاد الفريق اللي كان بالمرتبة التانية قدرنا ننتصر عليه بكل قوة
وكان بلقاء الشباب الوضع مريح كتير وفازوا بنتيجة
3_1 لصالح فريق سلمية
وتألق من الشباب (فيصل صافية _مخلص الحاج حسن _ محي الدين صقر _ حسين الماغوط_ مهند أسعد _محمد شحادة _محمد غندور _محمد حيدر_ محمد الجندي)
وفي لقاء الرجال كانت النتيجة
3_0 لصالحنا طبعاً
وتألق من الرجال (فايز علوش _ مروان شدود _هيثم العتر _مأمون ضعون _اسماعيل الحموي _ عوض نصرة _ عاصم زعير _حسين الحموي _خلدون ادريس)
أما منشان الجمهور فكان بقمة السعادة وشجع بكل حماس وروح رياضية اللي صار يطبل ويزمر ويشجع بجمل التشجيع ويهتف فكان الو فضل كبير بالفوز وطبغاً مامنسى فضل الشباب والرجال اللي تعبوا لحققوا الفوز بس أرضو الجمهور بشكل فظيع وكان التقدم واضح علين كتير وهاد الشي بخلينا نتأهل لمرتبة أعلى من اللي حصدناها الدوري الماضي مع العلم انو سلمية كان دائماً من فرق المربع الذهبي
فانا بهني الفريق من كل قلبي وبتمنالين الفوز بالمباراة القادمة مع فريق الوحدة ورح اعلن عنا وبتمنى يروحوالكل لأنو فعلاً شي كتير حلو ومميز وبيرفع الراس فلازم نفتخر بالشباب ونزيدن قوة واصرار على المتابعة
ســــــــــــــــــــــــــــــــــــــــــلـــــــــــــــــمــــــــــــــــــــــيــــــــــــــــــــة
و بـــــــــــــــــــــــــــــــــــــــس