دخول
مواضيع مماثلة
صفحتنا على فيس بوك
المواضيع الأخيرة
المتواجدون الآن ؟
ككل هناك 3 عُضو متصل حالياً :: 0 عضو مُسجل, 0 عُضو مُختفي و 3 زائر لا أحد
أكبر عدد للأعضاء المتواجدين في هذا المنتدى في نفس الوقت كان 99 بتاريخ الأحد يوليو 30, 2017 3:26 am
احصائيات
هذا المنتدى يتوفر على 423 عُضو.آخر عُضو مُسجل هو جلال العبيدي فمرحباً به.
أعضاؤنا قدموا 11905 مساهمة في هذا المنتدى في 2931 موضوع
بحـث
مايو 2024
الأحد | الإثنين | الثلاثاء | الأربعاء | الخميس | الجمعة | السبت |
---|---|---|---|---|---|---|
1 | 2 | 3 | 4 | |||
5 | 6 | 7 | 8 | 9 | 10 | 11 |
12 | 13 | 14 | 15 | 16 | 17 | 18 |
19 | 20 | 21 | 22 | 23 | 24 | 25 |
26 | 27 | 28 | 29 | 30 | 31 |
يوميّات عازب طفران..!!
2 مشترك
فنون سلمية :: فنون أدبية :: الشعر
صفحة 1 من اصل 1
يوميّات عازب طفران..!!
[url=http://www.0zz0.com][/url]
اليوم الأول
*******************************************
*****************
أوف....شوهـ.. الحالة ياأخوان..
لـ.. إيمتا الواحد ...بدّو يضلّ طفران..
****************
فقت من الصبح بكّير..
على النّكد... والتعتير..
********************
ومن طفري، طلعت ادّرج بالحارة..
مافي بالجيبة لافلس... ولا بارة..
**********************
ورأساً شافني واحد مليان..!!
وسألني: شبني.؟؟.. مبيّن زعلان..!!
*********************
وسكت، مافعلت ردّ..
وهوّي.. بلّش يألف.. ويعدّ..
********************
وقال:
يابو سمرة.. ردّ علينا.. وخود الغلّة
يابو سمرة..شو هـ..التقلي...
تسلم لي... عه.. الطلّة..
********************
وقلت:الله يجيبك يابالة الطول...
شو.. فاضي بالو على طول...!!
***************************
وقلّي:شوكنك مزنجل... ياتقلان..
وحتى الجيرة.. يمكن نسيان..
*******************
وهوني يا أخوان.. قدحتْ متل الصوان..!!
وقلت:فارقني...بريحة طيّبة
أحسن مـ .. يطقلي عرق جنان..
**********************
وقلت :فارقني بالمليح...
أحسن مايصير زعل.. وتجريح..
************************
وقلت:فارقني يابوعقال وكفيّة...
أحسن ماإجعل لسانك كبّة نيّة..
والمصاري عمرة ماعملت لصاحبها قيمة وهيبة..
والطفر... ياأخوان موحرام ولاعيبة..
**************************
وفارقني الأخ وراح بطريقو..
ومافكر بضيقة جارو وصديقو...
*********************************
ومين بهالأيام عم يسأل عن غيرو..
وقاعد بيتو، وكافي الناس شرّو وخيرو..
*****************************
والله الطفرانين معاهون حقّ...
لو، الواحد منّن عقلو طقّ...
وهيك زبون..شايف حالو بمصرياتو
وجاي لعندي يضيع أوقاتو..
ومن تفاهتو..مبيستيهل, تبزق عليه بزق..
**************************************
اليوم الثاني
**************************************
*************
وفي اليوم الثاني :رحت عالقهوة طفران..
و هنيك.. شافني واحد سكران..
***********************
وسألني: إن كنت ورثت..
أو ورقة نصيب، ربحت ..
حطيت إيديي بجيوبي.. ونفضتْ..
وقلت: ياريت ،مبارح من بيتي.. م طلعتْ..
************************
قال:مبارح شفتك راكب سيارة..
ورايح.. جاي، عم بشفّط بالحارة..
***************************
ياعيب شوم عليك...وياخسارة..
ذكرنا من هـ..العز... لوبسيكارة..
********************
قلت:مبارح لاطلعتْ من بيتي.. ولافتْ
ومنين... ياحسرة السيكارة..
ليش، مو..أنا بالأساس بدخّن عشتْ..!!
ومنين... ياحسرة المصاري...
بعد مابعت... الفرشة... والتخت..!!
********************************
وحياتك عالغالي ..لاورثتْ.. ولاربحتْ..
وموصايبني من هـ .. الدنيا... إلاقلّة بخت..!!
******************************
قال:لاتآخذني... يمكن كنت سكران...
ولوجه الصبح بالخمارة.. سهران...
*****************************
قلت:أحسن مـ .. تكون طفران...
وتقاتل.... صبيان الحارة...
اليوم الثالث
****************************************
***********
وفي اليوم الثالث:
رحت ياأخوان.. اشتغل عتالة بالسوق..
و ياصاحبي، من غير تعبك لادوق..
****************************
ولو..درتْ... تحمل بويا وصندوق..
بس لتغش.. ولاتسرق،وعلى طول.. ضلّ صدوق..
*******************************
شو ماعملت موعيب... ولانقيصة... ولاعارا
بس لاتيأس،هـ .. الدنيا،بدّا شويّة حيلة... وشطارة..
*******************************
ومـ .. بخبّي... عليكن ياأخوان...
شقد..!! كنت مقهور وزعلان...؟؟
******************************
بعد مادرت الهند والصين واليابان...
وما في حدا سألني: شوبدّك ياإنسان...
******************************
إلا واحد متلي شحتان.. وكحتان...
قلي:شو الأخ متلي.....طافش من بلدو... لأنو طفران..؟؟
اليوم الرّابع
***************************************
*********
قلت:ودمعاتي تغنّي عالهوارة...
شو بدي احكيلك.. واشكيلك..ياخيّي
واتنيناتنا بهالغربةالمنسيّة..
هاجرنا... ومنسينا الحنيّة..
ومنسينا... وطنا وخيرات الغنيّة..
لكن ياخسارة... سرقوها شويةلصوص، وحراميّة..!!
واحد بالبطالة لفّوه..!!
وشهاداتو.. معادو نفعوه..؟؟
وقعد.. يتحسّر عـ .الليرة السورية..
والتاني تهمو بالعمالة..
وماعاد قبلوه عامل زبالة..
وضاقت بوجهو الدنيا الفاضيّة..
وجرّب يشتغل بكلّ الصنعات..
وع الطريق... فرش بسطات..
وبليلة من الليالي...
وهوّي مبسط بالحارة..
إجيتو دوريّة بسيارة...
ولاشور... ولادستور..
قشولوعنّا الدّرة... والفول..
وقالولو:بعين جقرة..وصرخة قويّة.
هوني.. بهالبلد ..تاني مرّة
مابدنا نشوفك عم.. بجول...
وإلا عبيت خالتك... مناخدك محمول..؟؟
ومنرتبلك تهمة(؟؟؟) طوباويّة..
اليوم الخامس... وليس الأخير..!!
************************************
ومن بعدا ...حملتنا المراكب..
وقدفتنا بعيد.. بعيد عن الحبايب..!!
ويوم.. ورا يوم ..
وسنة.. ورا سنة..
تغيبلنا شمس... وبتطلعنا شمس
وهلال طالع..وقمر غايب..
وتنينتنا بهالغربة المنسيّة..
منسينا أب.. ولاأم ..
ولا جار..ولاصديق...
بينتظروا عودتنا ..كلّ صبح وعشيّة..
وعالضيعة إيمتا منعود..؟؟
وع كروما مندرّج بالعصرية..
ومنغنّي موّال... ونايل عطول..
ومننسى الغربة.. وشتوياتا القاسيّة
ومننسى الطفر... وأيامو..
ويمكن نقبر العزوبيّة..؟؟
وبكرة..بلكت هـ .. الحالة بتتغيّر ياإخوان..؟؟..!!
والمواطن ماعاد بيعود ..
وهوي ماشي... بيخبّط متل السكران..؟؟
والعزابي.. ماعاد بيعود طفران..
وماعاد... يلصلص ع بنت الجيران..
ومنعيش... ببلدنا عيشة هنيّة..
بعد ماتنضف من شويّة هـ .الحرامية..؟؟
وبيعود الوطن ..وطن للكلّ..
وبظلّلنا خيمة سماه العاليّة..
وبالنهاية ياإخوان..
لادققوا كتير.. كتير.. بهلوسات،، واحد طفران..!!
بمحبّة وطنو أبداً ماكفر..ولاراح يكفر..
حتّى... ولو كانت جيبتو فاضيّة...!!
وبمحبتكم ياإخوان..أبداً ماكفر..ولاراح يكفر..
حتّى... ولو كانت حقيبتو فاضيّة...!!
*******************************************
سلمية في/8/5/2010
الكاتب:حيدر حيدر
حيدر حيدر- هاوي فن
- أشجع :
الابراج : عدد المساهمات : 87
درجات : 5437
السٌّمعَة : 10
تاريخ التسجيل : 16/03/2010
العمر : 82
رد: يوميّات عازب طفران..!!
شكرا لك أستاذ حيدر
أنا أحب هذا النوع من الكتابات الهزلية
وإلي تجربة أنا وصديقة إلي بهالمجال
بالفعل كلمات جميلة جداً جداً جداً
أي شو هاليوميات المشحرة للعازب الطفران هاد
حلوة الواحد يضحك ع كلام يمكن صاير مع أي واحد منا أو بدو يصير
يلله الله بعين
تحياتي لك وشكرا مرة أخرى
أنا أحب هذا النوع من الكتابات الهزلية
وإلي تجربة أنا وصديقة إلي بهالمجال
بالفعل كلمات جميلة جداً جداً جداً
أي شو هاليوميات المشحرة للعازب الطفران هاد
حلوة الواحد يضحك ع كلام يمكن صاير مع أي واحد منا أو بدو يصير
يلله الله بعين
تحياتي لك وشكرا مرة أخرى
مراد فطوم- إداري فنون
- أشجع :
الابراج : عدد المساهمات : 945
درجات : 7161
السٌّمعَة : 10
تاريخ التسجيل : 10/07/2009
العمر : 35
بطاقة الشخصية
الطاقة:
(100/100)
ردّ على موضوع(يوميات عازب طفران)..
شكراً.. صديق مراد على سرعة ردّك على موضوع من الشعر المحكي(يوميّات عازب طفران)وشكراً على إطرائك على الأسلوب الساخر التي كتبت به هذه المقطوعات الشعرية،وما نقدته من بؤس لمعاناة شبابنا العازبين في دأبهم المستمّر من أجل شقّ طريقهم في دروب الحياة الوعرة والصعبة المسالك..وكلّنا نحن جيل الشيوخ مررنا بهذه التجارب، وذقنا مرارة البحث عن الرّغد والاستقرار في حياتنا..وقد نكون.. لم ننجح في تحقيق كلّ طموحاتنا وآمالنا، ولكن لم.. ولن نيأس..وربما كانت ظروفنا في عزوبيتنا أيسر قهراً، وأقل معاناة، من ظروف شباب وعازبي اليوم..ولكن بالعمل الدؤوب تغذّي عاملات الخليّة في مجتمع النحل ملكتها،وتخزّن مؤونتها لوقت الحاجة..أتمنى لكلّ شبابنا،ولكلّ العازبين النجاح في حياتهم،وتحقيق كلّ..كلّ أمانيهم..وكما يقول المثلدوماً..تفاءلوا بالخير.. تجدوه)..
سلمية في /8/5/2010
الصديق: حيدر حيدر
سلمية في /8/5/2010
الصديق: حيدر حيدر
حيدر حيدر- هاوي فن
- أشجع :
الابراج : عدد المساهمات : 87
درجات : 5437
السٌّمعَة : 10
تاريخ التسجيل : 16/03/2010
العمر : 82
مواضيع مماثلة
» من دفتر يوميّات مهرجان الماغوط المسرحي (الرّابع)..
» اليوم الرّابع،من دفتر يوميّات مهرجان الماغوط المسرحي (الرّابع)..
» اليوم الرّابع،من دفتر يوميّات مهرجان الماغوط المسرحي (الرّابع)..
فنون سلمية :: فنون أدبية :: الشعر
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى
الخميس أكتوبر 16, 2014 12:42 am من طرف منار
» أجمل حب
الإثنين أكتوبر 29, 2012 2:38 am من طرف شامخ كياني لأني يماني
» اصنع تحولا في العلاقة
الأحد أكتوبر 28, 2012 10:03 am من طرف شامخ كياني لأني يماني
» إذ كنت وحيدا أتجول
الأحد أكتوبر 28, 2012 8:06 am من طرف شامخ كياني لأني يماني
» إلى فؤادي
الأحد أكتوبر 28, 2012 6:25 am من طرف شامخ كياني لأني يماني
» العنقاء - الماغوط
الخميس ديسمبر 15, 2011 1:17 am من طرف ammushi
» رسم الاذن والعين و الانف
الأحد ديسمبر 11, 2011 1:44 am من طرف wazirwalid
» طريق النحل
الجمعة نوفمبر 25, 2011 8:14 am من طرف علاء 2011
» أخطاء السيناريو الشائعة
الجمعة نوفمبر 18, 2011 9:14 am من طرف علاء 2011
» سونيت 95....وليم شكسبير
الجمعة نوفمبر 18, 2011 8:55 am من طرف علاء 2011
» عناوين للروح خارج هذا المكان
الجمعة نوفمبر 18, 2011 8:49 am من طرف علاء 2011
» ثلاث صور
الجمعة نوفمبر 18, 2011 8:46 am من طرف علاء 2011
» قصيدة الحزن
الجمعة نوفمبر 18, 2011 8:30 am من طرف علاء 2011
» اللجوء بقلم نزار قباني
الجمعة نوفمبر 18, 2011 8:24 am من طرف علاء 2011